方力申和鄧麗欣（Stephy）拍拖十年，由婚訊變分訊，Stephy現和台灣藝人王子邱勝翔發展姊弟戀。方力申在節目《Tiger's Talk》上直言分手後四年來一直單身，同場嘉賓陳瀅立即爆料指小方媾過渠，曾約單獨食飯，搞到小方勁尷尬。
由伍詠薇、阿Bob林盛斌主持的《Tiger's Talk》最新一集，邀請了聲稱單身的方力申、唐詩詠、陳瀅任嘉賓，方力申同鄧麗欣呢對鏡頭前後的真拖友，拍拖十年未能修成正果，最後分手收場，Stephy其後戀上台灣藝人王子，小方在節目中坦言分手後近四年來未有新戀情。
小方在節目指自己分手後一直未有新戀情，因為大家會以為同渠一齊便要埋單一定要結婚生仔，可能因此而令女仔退步。
小方話阿Bob曾為他介紹女仔，但一個系剛喪夫一個系剛離婚，阿Bob話小方想要後生女，小方坦言：因為都想生小朋友，我係大仔有壓力呀﹗
小方又話過去拍拖，冇一個女仔同渠傾到結婚問題，被阿Bob追問：上一段嗰個都冇？小方立即口窒窒答：最後先做咪冇用囉﹗在旁的唐詩詠即笑渠自己設陷阱畀自己﹗
小方約女次數：一隻手數到﹗
主持之一阿Bob話小方好少約異性單獨約會，所以錯失不少姻緣，小方解釋：因為系我出道嗰個年代好多狗仔隊，慣咗收埋自己，所以我人生同單身而又有機會發展慨女仔繫好少，一隻手數得曬。
小方話自己甚少約女單獨出街，陳瀅立即玩踢爆：渠（指小方）有約過我，有一日突然問我可唔可以同渠單獨食飯，但後來冇發生到慨，事緣因為疫情我由温哥華返嚟，渠怕我悶就叫我打電話畀個星座專家，個星座師傅話我2023、24年會同個點樣點樣慨男仔結婚，個男仔系屬猴慨，之後我打番畀小方，同渠講個師傅同我講咗啲乜，佢話個師傅又系咁同渠講，渠又咁啱系屬猴慨，所以懷疑渠畀錢個師傅。陳瀅踢爆小方曾對她有意，更暗笑小方的屎橋媾女法未能成事﹗
陳瀅突然自爆自己ready結婚，遇合適唔介意做主動，隨後立向小方伸手，又除下自己戒指遞給小方，示意對方為自己戴上，當眾逼婚。
陳瀅被伍姑娘大逼供系咪專釣金龜？陳瀅直言過去拖友富貴同冇錢都有，又豪言：其實我自己揾到錢慨﹗小方又笑指陳瀅一定飛人居多，陳瀅一臉認真話：上一段感情我係被人飛慨﹗主持又問陳瀅鐘意咩類型男仔？陳瀅即指住小方，大讚渠心地好：我成日都媾渠㗎，你哋唔信咩？我覺得渠真繫好男仔，心地好，不過心地好之外諗唔到啲咩﹗
主持伍姑娘和阿Bob起鬨叫小方為陳瀅戴戒指，唐詩詠又叫小方大膽啲，不過小方都唔就範，笑住一手拍開陳瀅隻手度。
大家笑小方冇膽，陳瀅又笑畀埋戒指小方，小方都識做，小方話：渠（指陳瀅）有咩唔好呢，就係唔知幾時講真幾時講假﹗
陳瀅爆曾被小方追求，小方一臉尷尬，而陳瀅的情緒愈來愈高漲，表現勁high，又話自己過去因為唔知道咩類型男仔合適自己，所以前度非同一類別男仔，每次拍拖都系慢慢了解才知是否合拍，但現在心態卻完全改變，因為現在已經ready結婚，所以如遇到心儀對象會主動出擊，隨即將自己手上的戒指除下遞給小方，阿Bob和伍姑娘起鬨：嚟啦，隻手伸咗出嚟，戒指呀，戴上去啦﹗小方呆坐唔識畀反應，陳瀅硬把戒指塞畀小方：戒指畀埋你，唔使買呀﹗小方拍落陳瀅手度，並拎住戒指戴上自己尾指，唔中陳瀅的圈套為她戴上戒指。
坐在小方同陳瀅中間的唐詩詠聯同阿Bob、伍姑娘玩嘢起身走人，笑言留給二人相處機會，小方尷尬地飲紅酒遮醜，陳瀅便愈來愈興奮，不停拍打又捽方力申手臂，然後拎起紅酒，主動翹實小方隻手玩合巹交杯小方嚇到呆咗，最後又玩埋拋花球，陳瀅最為盡興﹗
方力申同陳瀅三年前曾傳緋聞，被影到結伴到蘭桂坊，有指是糖妹做媒人，有指當時陳瀅剛與賭王仔猷亨分手，近月有傳陳瀅同賭王仔猷亨複合， 7月時一連兩日現身賭王葬禮上，看來小方今次又系無米粥﹗方力申同Stephy分手後四年冇拖拍陳瀅篤爆小方媾過渠。
時髦風
