正所謂女大十八變，女星們一時話箍咗牙、一時藉口化粧技巧有改善，面目全非變靚啲再變靚啲真系時有發生。不過論到短時間內多次蜕變慨，首推13年港姐亞軍蔡思貝。
初出道時短頭髮瘦蜢蜢，十足星期日喺皇后像廣場嗰班賓賓慨姊妹，到今個月無線台慶劇都由渠主演漸顯大將之風，昔日慨工人姐姐，今日仲有傳系萬千星輝頒獎典禮2020 視後大熱，一齊睇嚇蔡思貝慨進化之路！
2013年由德國回港參選港姐時，蔡思貝系大熱之一，冠軍賽都系僅僅輸畀陳凱琳咋，不過當選後三個月即被監製睇中拍劇，連續幾個角色都系黑黑實實男仔頭，成個outlook 真繫好似工人姐姐。
TVB機會多多劇接劇，都不難發現蔡思貝確係可造之材可塑性極高，依家一樣繫留短髮，不過皮膚已變白皙，望落成個人亦充滿光彩。
2014年拍劇、2015年已經擔正劇集《衝線》，並獲提名台慶頒獎禮最佳女主角。 之後幾乎年年有提名，蔡思貝終於2017年憑《踩過界》 慨趙正妹一角，獲得最受歡迎電視女角色大獎。
入行七年話題多多，除咗系新一輩小花中最多緋聞嗰個，蔡思貝更被指與game界網紅達哥撞樣，不過當事人就話自己生得似木村拓哉多過似達哥。
七年十個緋聞男友
被封為緋聞女王 ，並非浪得虛名，入行七年來同蔡思貝傳過緋聞慨男星名單水蛇春咁長，渠慨情史真系冠絕電視城。
從去年開始已經被發現交往極頻繁，十日之內約會三次，今年感情有增無減，一架車兩份揸無分彼此，不過兩人對緋聞暫時未有正面迴應。
蔡思貝跟餘德丞因為拍攝旅遊節目而成為好友，年紀相近外形亦相襯，交情非淺早已傳緋聞多時，當日餘德丞出事入院都系蔡思貝第一時間到達探望。
合作第一輯《踩過界》時，緋聞滿天飛，幕後更盛傳二人於劇組聚餐時，曾單獨反鎖喺VIP房內消失十幾分鍾，其後王浩信亦被拍到開車往女方香閨，更有指蔡思貝曾經為王浩信自殘。
基本上蔡思貝姣功非凡，但凡合作過都無一倖免，拍攝《踩過界》除咗埋王浩信身，亦有指向另一男角張振朗狂放電，唔理男方有正印陳芷尤，一樣挨身挨勢又撒嬌。
16年間被拍到與周志文單獨約會睇戲，一齊去台灣拍劇取景時，又有指蔡思貝主動摸上男方酒店房過夜，周志文承認此事，不過就表示二人系朋友關係。
14年入行一年即同排舞師麥秋成熱戀，一年不到有指因為蔡思貝身邊有要好男友令男方提出分手，麥秋成其後更用英文出po，意有所指稱不要再讓人浪費自己時間。
都系14年，蔡思貝身邊有麥秋成，鄭俊弘就同姜麗文拍緊拖，蔡思貝同鄭俊弘因為過從甚密，又情侶檔拍廣告被指有非一般感情。不過月初鄭俊弘同何雁詩大婚，蔡思貝都有份做伴娘。都系14年，蔡思貝身邊有麥秋成，鄭俊弘就同姜麗文拍緊拖，蔡思貝同鄭俊弘因為過從甚密，又情侶檔拍廣告被指有非一般感情。不過月初鄭俊弘同何雁詩大婚，蔡思貝都有份做伴娘。
15年同羅仲謙合拍《衝線》，有傳無懼男方個當家花旦正印楊怡，主動約食飯又當眾為男方扣皮帶，有指嬲到楊怡要親自去片場監場。
時髦風
