早於14年，黃美棋同男友鍾健威（Ray） 因為拍攝旅遊節目而傳出緋聞，其後更被爆同居。當年美棋BB 拍攝受傷，Ray 更加遠道由香港飛去威尼斯探病，出面到咁美棋BB 都死口唔認同居，更加唔肯認愛，話自己份人old school 接受唔到同居喎……
六年過去，黃美棋早喺四年前情人節公開認愛，二人相戀多年感情亦都愈嚟愈穩定，見過家長論及婚嫁。由於疫情關係，今年人人玩staycation日日居家，美棋BB食早餐同Ray一齊、做運動又一齊、晚飯邊爐同一背景撐台腳，連飯後jam歌開直播都系一齊，由朝孖住宅喺屋企直到晚黑，今次冇得唔認系同居喇啩！
村屋最好就係間隔四正樓底又高，簡簡單單一幅白牆藍色窗簾，已經顯得時尚、乾淨又舒適。
兩口子愛巢為村屋三樓連天台，室內陳設以白色為主，疫情關係經常宅在家，二人撐台腳食蒸氣鍋一樣可以好滿足。
14年傳出緋聞，16年正式認愛，年年男友生日都悉心準備慨美棋BB，今年又約齊朋友大肆慶祝男友36歲牛一，而合照地點正是二人同居竇天台。
天台開揚大到足夠男友Ray 練踢腿，而且風景一流，好天時美棋BB就會孖住Ray 一齊上天台做運動。
其實呢兩位感情要好、外形襯絕、又公告視對方為結婚對象，揾啱地方搬埋一齊住試婚都無可厚非。二人愛巢喺西貢，系村屋頂樓連天台單位，唔止返電視台返工方便，間隔四正、空間感十足，仲有私家天台做運動健身㖭！兩口子又喜歡擺到成屋都系花，營造浪漫氣氛！生活樂也融融如魚得水，系時候諗嚇幾時拉埋天窗喎！
同一張飯台老是常出現，Ray 辦公靠渠，美棋BB 影靚相sell 產品都系靠渠，背後一系列白色櫃雖然雜物擺放得多，不過收拾得井井有條。
二人除咗情侶檔出席公開活動，近月亦都學人玩，夜媽媽一齊jam歌食宵夜，屋中除咗主要色調白色，就係呢張淺灰色梳化。
連衣帽間都要分男女，一邊櫃系擺放美棋BB 慨手袋、高踭鞋，另一邊亦有男友專屬櫃擺珍藏多年波鞋。
搬入新屋時美琪BB表示好興奮，執完自己個衣帽間亦都第一時間拍片介紹。
時髦風
