歐陽震華（Bobby）與澳門前賭王傅老榕孫女傅潔嫻結婚24年，膝下無兒女可盡情享受人生，夫婦同愛熱鬧與朋共聚，飲飲食食快樂無憂，不過13年Bobby開P暢飲狂歡後，落錯隔嗆喉導致急性肺炎，昏迷入院搶救，在ICU死過翻生的經歷，讓Bobby夫婦更珍惜彼此。出事後老婆傅潔嫻雖緊張卻未有對Bobby下禁玩令，Bobby早前亦自爆夫妻的感情保鮮方法是要有自由，有時各有各玩，老婆亦唔會有微言。
早前Bobby受好友佘詩曼（阿佘）邀請，上內地節目《看我的生活》作客，分享了自己對婚姻的睇法，他表示以前曾向太太説自己一定會走先，但現在他就有另一個睇法：依家我會想遲死過太太，因為我好擔心，如果我死先，驚冇人照顧渠。Bobby一臉認真，令在場所有人聽到相當感動。Bobby與傅潔嫻結婚24年依然有影皆雙，他坦言保鮮方法原來是婚前協議好不生育，所以現在的生活可以好自由，毋須擔心小朋友的教育和生活，生命中只需要擔心太太一人，他更忍不住贊太太：以前唔使開工，我日日出街，大部分老婆都會去，有時渠攰唔想去，但唔會阻我出街，渠都算系一個奇女子。我出街狗都吠我，我解讀只狗系鬧我：『你出街呀？又出街呀？尋晚先出完，今日又出？』但老婆會話『小心揸車』，我話兩點返，渠會畀夠我四點，邊有咁慨老婆㗎！
Bobby與太太傅潔嫻96年在加拿大結婚，98年才公開婚訊，因為傅潔嫻是豪門後人，所以務必低調。
事實上，Bobby與傅潔嫻絕對是天作之合，二人都是交際能手，喜歡與好友食飯摸酒杯底，不過出事後Bobby心知命仔要緊，即使夜蒲飲酒都點到即止，據知情者透露： 當年Bobby出事後曾經有段時間好深閨，不過兩公婆都流住酒精慨血，好快又出嚟同朋友飯敍開P，渠哋習慣咗以酒會友，當然唔會戒酒啦！不過已經冇以前玩得咁盡，以前閒閒哋飲通宵，依家唔會喇，渠哋會畀足夠時間自己休息同回氣，同埋keep住睇中醫調理身體，有Rosanna（傅潔嫻）監督住， Bobby已經節制咗好多，就算幾鐘意食慨嘢，如果食多無益，Rosanna亦唔會畀佢食過量。不過近年Bobby同Rosanna多咗分開見朋友，不過一有party聚會就一定合體，大家有自己空間，都系夫妻相處之道。
Bobby與太太傅潔嫻是好客夫婦，以往喜歡在家搞飯局或者夜蒲開P，Bobby飲酒出事後曾三度承諾︰以後食嘢會檢點啲，酒飲少啲。不過很快已經飯照食酒照飲。
Bobby赴上海前爭取時間與好友飯敍，出席者包括亞視副總裁林文龍、方中信及曹永廉等，之前有傳Bobby約滿無線後，將有機會拍亞視劇。
Bobby入行38年交友無數，除了經常見面的陶大宇外，早前他相約了結識30年的好友張兆輝及導演黃國輝，期間無所不談，勾起他們不少回憶。
Bobby太太傅潔嫻爺爺是澳門一代賭王傅老榕，家族除創辦香港富麗華酒店，又涉足房地產業務，家族資產據知逾百億，Bobby可説是無線中的千億女婿始祖，雖然太太大把錢，不過Bobby多年來靠自己向上爬，在無線拍過逾百套劇，00年已攞視帝，07年更憑《賭場風雲》入圍角逐第三十五屆國際艾美獎的最佳男主角獎項，成為首位香港男藝人獲提名該國際性獎項。Bobby當年曾因為太太家世顯赫被指食軟飯，不過這位千億女婿事業運愈來愈好，最後更成為一線當紅小生，Bobby以行動來證明靠自己一樣可以過高質生活。
Bobby在訪問中回憶當年藝訓班的往事，他表示非常羨慕梁朝偉與關禮傑等可以做靚仔角色，而他就只有演賊仔、嫖客等路人甲角色。
Bobby與關禮傑同是第十一屆無線藝員訓練班的畢業生，當年官仔骨骨的關禮傑完全唔識老，當年頭髮濃密的Bobby變化卻甚大。
時髦風
