《聲夢傳奇》3位大熱炎明熹、姚焯菲及鍾柔美鬥得難分難解，由於優點各異，分別擁有聲、色、藝而備受追捧！當中炎明熹獲網民一致推舉為天后接班人，不但是民選冠軍，亦是兩位勁敵心中的冠軍女神，搞到她壓力爆煲失眠！無論最後哪一位跑出，3朵小花年輕又有才華，絕對是樂壇一股新力量！
香港樂壇近年出現斷層，青黃不接情況下，無線音樂選秀節目《聲夢傳奇》出現一股新勢力，個個只有十多歲，前途無限！當中大熱炎明熹（Gigi）、姚焯菲（Chantel）及鍾柔美（Yumi）唱得、跳得兼省鏡，可謂全方位的未來小天后。
打從半年前開始訓練至經歷多次淘汰賽，3女各自創出自我風格，成功吸納大量Fans。當中出名唱功了得的Gigi年僅16歲，被喻為少女GEM，憑紮實唱功及感染力成為人氣選手，早前演唱林憶蓮《沒有你還是愛你》，短片錄得逾170萬點擊，被陳奐仁大讚Fantastic！其後她演繹譚詠麟的《愛情陷阱》，又被贊颱風十足，網民對其唱功給予高度評價，睇好她成為天后接班人，更指樂壇未來20年會是她的天下！她日前偕Chantel及Yumi接受本報訪問時，亦被兩位勁敵睇好奪冠呼聲高，但她似乎沒什信心，更被一片贊好聲音搞到壓力爆煲失眠！
兼顧學業冇得抖
就讀中四的Gigi忙於應付考試，又要兼顧比賽，坦言只能盡做：一有時間就温書，不停Loop試題，到埋位拍嘢就放低本書。（好大壓力？ ）系呀！未揾到減壓方法，搞到身體狀況差，集中唔到。對於外表Cool到爆，每次上台都像信心十足，她連聲否認：好記得第一集，我喺出場前一刻都未決定點唱，諗住乜都唔好理就唱，結果Load唔到爆咗，好似撞埋牆咁！首集失準的她其後愈戰愈勇，收復失地。
面對後來居上、翻唱林珊珊《戀愛預告》錄得逾300萬點擊的14歲國民初戀Chantel，以及同齡、演繹Cookies《心急人上》的Yumi，Gigi直言不容有失：一個系『跳唱女神』，一個系『國民初戀』，而我唔知自己系乜。每人有自己風格，睇大家口味，個個都有機會成為冠軍。在旁的Chantel及Yumi即同聲説：你咪『冠軍女神』囉！嚇得她耍手擰頭，場面搞笑。
Chantel無意拍拖
至於人靚聲甜兼家境富裕的Chantel，出入有父母陪伴，絕對是掌上明珠！對於參賽初期已被起底，她表示零壓力：我都系專注比賽好啲，冇時間兼顧其他嘢。（被封『國民初戀』？）我未拍拖，亦唔會諗呢樣嘢住，唱情歌都系諗住自己只狗仔，加上背景系粉紅色，先帶到呢個甜蜜訊息出嚟。而精於跳唱的Yumi自言抱平常心，沒太大壓力，更每日瞓夠10個鐘，令飽受失眠困擾的Gigi極為羨慕。
談到賽後是否順理成章簽約做歌手，3女希望專注學業，課餘時間則全程投入唱歌，又想組成女團多於獨立發展，Chantel説：組合可以Share壓力，一個會孤伶伶。我好想跳唱，好佩服Yumi，唔知點解可以做到，其實就咁唱已經好難。Gigi亦附和：上次同3個女仔跳都覺得好難，所以想挑戰嚇，希望Yumi教嚇我哋。
時髦風
