現年59歲的黃日華，與太太樑潔華相依相愛四十年，今年五月樑潔華因血癌引發器官衰竭離世，心中只有太太的黃日華飽受喪妻打擊肝腸寸斷，整整一星期困在家中廁所不願見人，更一度生無可戀，幸好在最無助時想到自己在太太臨終時，承諾會好好照顧女兒及岳母，猛然醒覺要重新振作。
黃日華對愛妻樑潔華從一而終的黃日華，陪妻抗癌七年衣不解帶照顧周到，可惜今年五月樑潔華因器官衰竭撒手人寰，遺下深愛他的華哥及孝順女黃芷晴。枕邊人突然離去，傷心欲絕的華哥鐵漢亦倒下，傷痛難以釋懷，足足一星期將自己困在家中廁所不願見人，生無可戀似等死，他形容當時的自己沒有了寄託，沒有目標，直至想及對亡妻的承諾，黃日華才猛然醒悟不能再這樣下去！
愛妻號黃日華從一而終，坦誠內心世界只有老婆樑潔華。 二人80年因拍《京華春夢》邂逅，88年結婚並在兩年後誕下女兒黃芷晴，可惜卻因樑潔華癌病離世未能同諧白首。
自從13年太太樑潔華患上急性骨髓性白血病，黃日華七年來衣不解帶陪愛妻抗癌打仗，曾經一度康復的樑潔華，18年不幸癌病復發，今年五月器官衰竭與世長辭，令華哥父女悲痛不已！
今年5月樑潔華不敵癌魔離世，撐着傷痛為妻辦理身後事的華哥，當時已臉容憔悴哭至眼腫，原來他更因失去最愛難以釋懷，有過尋死念頭，幸好及時想到對愛妻的承諾，重新振作好好生活！
為照顧好女兒，黃日華不再困住自己，父女互相扶持走出傷痛。據知情者透露：華哥好錫華嫂，太太就係渠人生支柱，華嫂患病嗰時，渠推曬所有工作悉心照顧太太，雖然見到華嫂撐得好辛苦會好心痛，但陪伴對渠嚟講已經係一種安慰，到華嫂走咗，失去最愛令華哥冇曬方向，諗到唔開心就忍唔住喊，唔想畀個女見到，就匿埋喺廁所，雖然渠應承過太太要戒煙，但嗰時渠已經傷心到崩潰，只有靠食煙麻醉自己，身邊班朋友都擔心渠會出事，連個女都唔知點安慰渠！好彩後尾渠猛然諗起老婆慨叮囑，先唔畀自己再沉淪落去，開始將心裏面慨唔開心，同個女互相傾訴，頭嗰兩個月，兩父女喺屋企經常傾番以前一家人慨生活點滴，成日都會講到喊，但兩個人一齊面對可以互相安慰，起碼唔會孤伶伶諗埋一邊！
為圓太太遺願積極生活的華哥，靠愛女撫平傷痛，更努力戒煙，同女兒黃芷晴互相扶持走出陰霾，早前父女同病相憐，齊齊病倒，當日黃日華駕車接同女兒到何文田醫務所睇醫生，雖然身體不適，不過黃芷晴仍刻意化粧掩飾病容，父女在診所內揾了個近角落的梳化位置坐低，見女兒瞌埋眼養神，華哥亦緊張問愛女身體狀況！父女睇病約四十五分鐘，攞完藥後匆匆趕回大埔寓所休息！
痛失最愛打擊沉痛，黃日華父女連月來就互相倚靠扶持走出陰霾，父女更同病相憐，早前齊齊病倒要睇醫生，黃日華駕車接載愛女一同到位於何文田的診所看病。
入到診所，黃日華先去登記，之後父女在角落位置的梳化坐低等候，雖然刻意化粧掩飾病容，不過黃芷晴依然疲態盡露，甫坐低已經要閉目養神，身旁的華哥亦見憔悴！
當日診所病人不算多，父女在診所逗留了大約四十五分鐘，睇完醫生各自拎住一包藥離開診所。
之後黃日華匆匆駕車去隔兩條街的小型超市買嘢，落車時遇上有司機想泊位，華哥有禮貌向對方示意自己未駕車離開，好好先生相當有品。
在太太離世接近半年，黃日華逐步走出傷痛，早前應好兄弟苗僑偉邀請，一齊上崔健邦、張秀文主持的清談節目《諸朋好友》受訪，提起愛妻掩不住傷心難過，更表示睇住愛妻離去一刻是他人生最最最難受！一度講到哽咽熱淚盈眶。經歷喪妻之痛，華哥更感謝好兄弟苗僑偉在他最難捱的日子相伴開解，他説：三哥收到消息，第一時間打電話問候我，接下來嗰個幾月，他朝早就打畀我，問我起身未呀去食早餐，又或者起身未呀一齊去飲茶，喺嗰段時間陪住我同開解我，喺我太太設靈、出殯嗰兩日，又一早到場幫手，義無反顧幫我太太揾靈位，呢啲系任何金錢都買唔到！同是五虎出身的黃日華與苗僑偉早已私交甚篤，三哥三嫂在華哥失去最愛的日子就如同他的心靈雞湯。好友透露：三哥三嫂同華哥華嫂系深交，大家可以話睇住對方拍拖、結婚生兒育女，三哥最清楚華哥脾性，知渠最愛就係老婆，喪妻對華哥打擊好大，三哥怕老友諗埋一邊，就日日揾住華哥，除咗安慰華哥之外，亦同華哥傾番好多以前大家慨經歷，等華哥可以分散啲唔開心慨情緒，三嫂又作為長輩去鼓勵芷晴，嗰段過渡期，三哥日日嗌華哥父女去渠屋企食飯，就係唔想渠兩父女困埋亂諗嘢！
五虎之一的黃日華、苗僑偉感情深厚，83年二人合作《射鵰英雄傳》分別演郭靖、楊康雙雙走紅，好兄弟睇住大家成家生兒育女，在黃日華痛失愛妻樑潔華的日子，三哥就經常陪伴開解好友，令黃日華在最痛時有所倚靠。
近年絕跡熒幕的黃日華，日前更為三哥出關，一同上由崔健邦及張秀文主持的《諸朋好友》節目大談二人昔日往事，當黃日華提起愛妻，已忍唔住傷痛哽咽眼泛淚光！
雖然同愛妻天人永隔，不過華哥對太太的思念仍然生生不息，連月來他細心整理愛妻遺物，更將自己和太太的手機內相片全部列印出來，將過萬張相片全部逐一剪裁好過膠收藏，那份對妻子至死不渝的愛令人動容，就連女兒芷晴看在眼裏，亦替天上的媽媽感動。父女生活逐漸迴歸正軌，開始回覆工作的芷晴，亦擔心爸爸一個人會胡思亂想，經常鼓勵爸爸揾節目，不過因愛妻離去要重整心情，華哥暫時未有復出拍劇計劃，反而在愛女感染下，父女會一起上堂學造香薰蠟燭，以手作治療減輕心靈痛楚。據知情者透露：芷晴系讀設計，本身就好鐘意做手藝，華哥見個女整香薰蠟燭好得意，芷晴就乘機拉埋爸爸一齊去學，等爸爸可以有精神寄託，渠哋讀慨系香薰蠟燭導師課程，讀完可以開班授徒，三哥同張兆輝都好鼓勵華哥發掘多啲興趣，華哥愈整愈有興趣，仲整咗好多香薰蠟燭放去靈位送畀華嫂，依家華哥好積極生活，因為渠應承過老婆，要好好照顧個女同岳母，為咗圓太太遺願，佢仲好努力戒煙，等身體更健康！有女兒在身邊，應該就是華哥的最佳良藥，再傷痛也要圓太太心願，堅強好好生活！
時髦風
