52歲的馬德鍾18年回巢無線拍劇集《跳躍生命線》，結果攞埋視帝並簽約邵氏，同時更為高大威猛的餅印兒子馬在驤鋪好路，父子檔一齊成為邵氏旗下藝人。不過早前突然傳出馬德鍾父子已退出邵氏藝人之列，有指22歲的馬在驤只想在模特兒界發展，對拍劇工作不感興趣，客串已屬現時極限，希望返澳洲先完成學業才正式入行。有chok爸馬德鍾照住，馬在驤前途無可限量，不過仔大仔世界，而且美國籍飛魚女友Marissa又身在外地，馬在驤個心唔喺香港都好正常。
馬德鐘有仔初長成，22歲馬在驤遺傳父母的優良基因，身形高大又靚仔，被封星二代小鮮肉，馬德鍾攞完視帝去年隨即父子檔簽約為邵氏旗下藝人，阿爸繼續chok爆拍劇，阿仔就殺入模特兒界，過去已多次為時裝品牌行天橋及拍硬照。
17年第一次處男行騷就要着泳褲，當年馬在驤在父親面前拖住女model現得好怕醜，影大合照時更刻意雙手翹在胸前遮兩點。
挾住馬德鍾之子入行，高大威猛的馬在驤被不少時裝品牌睇中，行天橋充滿自信，似模似樣。
阿爸馬德鍾同媽咪張筱蘭都曾經系香港Top model，馬在驤亦流住模特兒的血，演藝工作中獨愛行天橋。
日前馬德鍾又父子檔一齊拍廣告，今次由囝囝擔當騷肌角色，馬德鍾只需同個仔鬥chok，被問到會否父子檔拍劇，馬德鍾就話未知有否機會，要等囝囝演技自然點再算，不過，新劇《我家》馬仔會客串一角，之後再回澳繼續學業。
日前馬德鍾與兒子馬在驤一齊為美容產品拍廣告吸金，馬神表示與品牌合作已經有五年，，品牌見證阿仔成長，知道他剛好在香港，所以一齊做代言。
馬德鍾低調安排囝囝與邵氏簽約，但早前有消息傳出指他們已約滿不再是旗下藝人，傳聞耐人尋味，據知情者説：阿Joe（馬德鍾）一早計劃好帶埋個仔入行，渠系樂易玲愛將，有樂小姐睇住真系一千個放心，不過Xiang（馬在驤）就仲未好ready，行騷同出公開活動渠都ok，不過拍劇同綜藝節目比較抗拒，可能真系經驗未夠，同埋渠成日都想返澳洲完成大學課程先，今次返港避疫大半年，渠都好掛住女朋友，想快啲可以飛返去見面。
一直在澳洲留學的馬在驤身高1.9米，自小習泳的他更是周身肌肉的游泳健將，經常代表學校出賽奪獎。
馬在驤是大學內的活躍分子，早前更成功加入沙灘拯救隊，條小泳褲真繫好hot。
馬在驤在澳洲有個美籍女友Marissa，二人因游泳而結緣，Marissa有美國女飛魚之稱，原本今年會參加東京奧運比賽的入圍賽，馬在驤更在IG公開十指緊扣合照。
至於馬德鍾父子已約滿的傳聞，本刊記者曾致電電視廣播有限公司助理總經理（藝員管理及發展）、邵氏電影執行董事及總經理樂易玲，她即安排無線經理人作出迴應：網上有好多資料都唔準確，馬德鍾短時間內都系我哋慨人，我哋關係非常之良好，合作好愉快，至於合約細節同內容，呢啲商業嘢唔方便透露。（馬在驤系咪都籤埋邵氏？有傳佢唔系太想拍劇？）渠都系以讀書為主，都會再返澳洲，有啱慨工作都會幫渠接，不過都會先同渠爸爸協調。有指馬德鍾年底前拍埋無線劇《我家無難事》（前名：郭家無難事），與無線的部頭約亦將結束，對此經理人亦拒絕迴應。
時髦風
